Siglir tar il cuntegn

Header

cuntegn

Refurma da giustia Pologna ha abolì chombra disciplinara per derschaders

En la dispita per l'independenza da la giustia en Pologna, hai dà moviment. Il parlament ha vuschà per abolir la chombra disciplinara dispitaivla per derschadras e derschaders.

La Pologna prenda enavos ina part da la refurma da giustia dispitaivla e fa in pass en direcziun da l'Uniun europeica. La regenza polonaisa spera che l'UE dettia lura liber pachets d'agid da Covid-19 per il pajais. Dentant duai dar empè da la chombra disciplinara ina chombra per la responsabladad professiunala. L'opposiziun tema perquai che la chombra survegnia be in nov num.

L'Uniun europeica aveva chastia la Pologna l'october passà da pajar in milliun euros per di, perquai ch'ella aveva refusà d'abolir la chombra disciplinara. La chombra saja in privel per l'independenza da la giustia en Pologna, aveva l'UE argumentà.

RTR novitads 10:00

Artitgels legids il pli savens