Exteriur - Refurma da la constituziun taliana sin buna via
En l'Italia ha il primminister Matteo Renzi cuntanschì in impurtant success en la chombra dals deputads. La chombra ha approvà ses sboz per la refurma da la constituziun.
Uschia duai vegnir surmuntà il sistem parlamentar da 2 chombras che han ils medems dretgs. ll project da refurma è vegnì approvà cun 357 cun 125 vuschs e 6 abstenziuns.
Cunter la proposta da refurma han vuschà tut las partidas da l'opposiziun, tranter quellas er il moviment dal center dretg «Forza Italia» enturn l'anteriur primminister, Silvio Berlusconi.
