Refurmas en l'Arabia Saudita

Per l'emprima giada han dunnas en l'Arabia Saudita dastgà mirar in gieu da ballape en in stadion.

Dunnas arabas cun faziel da chau e schals da fan durant il gieu da ballape. Bild in Lightbox öffnen.

Legenda da maletgs: Per l'emprima giada han dunnas pudì visitar in gieu da ballape en l'Arabia Saudita. Keystone

En l’Arabia Saudita han dunnas per l’emprima giada en l’istorgia dastgà ir a guardar in gieu da ballape en in stadion. Medias localas han publitgà fotografias da dunnas cun schlingias en las colurs da fan dals clubs sur ils mantels lungs nairs. Il gieu tranter las duas partidas da l'emprima liga Al-Ahli ed Al-Batin ha gì lieu en la citad da costa Dschidda, en l’ost dal pajais.

L’autoritad da sport saudiaraba aveva communitgà ordavant che totalmain trais stadions sajan vegnids preparads per famiglias. L’avertura da stadions per dunnas è ina da las refurmas socialas en il pajais islamic. A partir da proxima stad dastgan dunnas era ir sezzas cun auto. Ultra da quai ha il pajais er abolì suenter pli che 35 onns il scumond da kinos.

RR novitads 10:00