Siglir tar il cuntegn

Exteriur Regensburger Domspatzen: tschients da mats èn vegnids maltractads

Tar il famus chor da mats catolic hai dà bun 550 cas da violenza ed abus. Quai mussa il rapport final da l’advocat ch’ha examinà il cas.

Ina furmaziun dals Regensburger Domspatzen durant in’emprova avant ina baselgia.
Legenda: Ina furmaziun dals Regensburger Domspatzen durant in’emprova. Reuters

Sco il rapport da l’advocat Ulrich Weber mussa, sajan 547 uffants e giuvenils vegnids maltractads corporalmain e per part era sexualmain da spirituals catolics. Quests cas sajan capitads durant la scola primara tranter il 1945 ed ils onns novanta.

Enconuschents eran ils emprims cas vegnids l’onn 2010. Cun quest rapport speran pertutgads da finalmain pudair serrar giu quest trist chapitel. Ils pertutgads duain survegnir indemnisaziuns d'enfin 20’000 euros.

Lung temp da scleriment

L’uvestg actual ha dumandà per perdun a las unfrendas. Quel ha era procurà che las investigaziuns èn idas vinavant e vegnidas tar ina fin. A ses predecessur eri vegnì rinfatscha ch’el haja impedì da sclerir ils maltractaments.

RR novitads 14:00