In di avant la votaziun era il viceschef da la regenza Tomislav Karamarko sa retratg. Sia raschun: la regenza na funcziunia betg. Karamarko è dentant er sut squitsch pervi d’in’affera da corrupziun. Oreskovic aveva perquai dumandà ses vice da sa retrair.
Furmar nova regenza aifer 30 dis
La regenza cupitgada era da l’entschatta ennà stada sin chommas flaivlas. A las elecziuns dal parlament il november passà n’aveva quai betg dà in cler victur.
Tenor la constituziun ha la partida uss temp 30 dis da furmar ina nova regenza. I vegn però dubità che la partida chattia la maioritad necessaria da 76 deputads. L'opposiziun vul elecziuns novas.
RR novitads 18:00