Siglir tar il cuntegn

Header

cuntegn

Exteriur Regenza polaca defenda nova lescha da medias

La libertad da las medias en la Pologna vegnia renconuschida. Quai scriva il ministeri da l'exteriur polac en ina brev a la cumissiun da l'Uniun europeica.

Per la Pologna saja quai in element clav d'ina societad pluralistica, scriva il secretari Aleksander Stepkowski en sia posiziun. Il suentermezdi èn planisadas demonstraziuns a Warschau ed autras citads polacas per defender las medias libras. Suenter ch'il parlament en la Pologna ha approvà la nova lescha da medias vegn temì ch'i dettia relaschadas da schurnalists critics.

UE dubita la legitimadad da la lescha polaca

Il vize-schef da la cumissiun da l'UE, Frans Timmermans, aveva formulà dubis che la nova lescha da medias polaca saaja confurma al stadi da dretg da la regenza naziunal-conservativa. Concret che la lescha lubescha a la regenza da decider, tgi che duai esser en posiziuns pussantas da las medias publicas. Curt suenter che la lescha è ida en vigur venderdi, aveva la regenza polaca numnadamain remplazzà ils schefs da radio e televisiun.

Il dretg europeci na cuntegnia naginas reglas che lubeschan a l'instanza da controlla da decider, tgi ch'è en posiziuns impurtantas tar medias publicas.

RR novitads 06:00

Artitgels legids il pli savens