Exteriur - Regenza tirca vul quietar martgà da finanzas
La regenza tirca vul quietar ils martgads da finanzas cun in plan d’acziun per l’economia. Surtut duai la lira tirca vegnir sustegnida ch’ella na perdia betg anc dapli valita. Quai scriva la gasetta Hürriyet ch’ha fatg ina intervista cun il minister da finanzas tirc Berat Albayrak.
Tenor il minister da finanzas tirc è la deblezza da la lira in'attatga da l'exteriur. Sumegliant è era gia il president tirc Recep Tayyip Erdogan s’exprimì la fin d’emna. La lira tirca ha pers 40% da sia valuta dapi l'entschatta da l'onn, venderdi era ella danovamain vegnida pli bunmartgada. Era la relaziun cun ils Stadis Unids è tendida, dapi oz pretendan ils Stadis Unids dazis per atschal ed aluminium ord la Tirchia.
