Era il mund da moda ha pers ina icona. La designra da moda britannica Vivienne Westwood è morta en la vegliadetgna da 81 onns a Londra. Quai ha communitgà sia chasa da moda via Twitter.
Westwood è vegnida enconuschenta ils onns settanta cun sia moda da punk. Ses sbozs èn vegnids mussads en museum sin l'entir mund. Plinavant è ella era s'engaschada per l'ambient e per dretgs umans.
Legenda:
Westwood durant la preschentaziun d'ina collecziun 2012 a la London Fashion Week.
Reuters
La revista sin lur vita è stà malempernaivla per Westwood: «Stuain nus discutar quai», ha ella dumandà durant in'intervista per il film documentar «Westwood: Punk, Icon, Activist». «Quai è uschè lungurus.»
Legenda:
Westwood ha protestà cunter l'arrestaziun da Julian Assange sin moda nunusitada (qua tar il 50avel natalezi dad Assange).
Reuters