Siglir tar il cuntegn

Header

cuntegn

Reglas d'igiena en l'aviatica Ils pajais da l’UE s’accordan sin reglas unifitgadas da corona

Ils pajais da l'Uniun Europeica èn sa cunvegnids sin reglas da corona unifitgadas en ils aviuns, quai ha communitgà il minister da traffic tudestg Andreas Scheuer.

Tranter auter ston persunas davent da sis onns ensi – purtar ina mascrina. E tar las controllas da segirtad e tar il «check-in» vala ina distanza minimala. Plinavant ston ils eroports infurmar ils passagiers en pliras linguas. Da l'autra vart pon las societads aviaticas er occupar ils sez d'amez en ils aviuns.

Las societads aviaticas avevan pretendì dals pajais da l'UE reglas unifitgadas, damai ch'ils standards differents avevan procurà per malsegirtads. La Swiss dovra gia questas reglas.

Societads aviaticas sut squitsch

Vitiers ha il minister da traffic tudestg avertì che las societads aviaticas europeicas sajan en privel. Pervi da la crisa da corona na saja nagut pli sco avant, ha el manegià en vista a las perditas drasticas da passagiers.

I va per plazzas da lavur.
Autur: Andreas Scheuer minister da traffic tudestg

L'Uniun europeica ha radunà a Berlin diversas branschas da l'aviatica ad ina conferenza digitala davart la situaziun. Da la partida èn persunas da l'industria, da las societads aviaticas, dals eroports e da las controllas dal traffic aviatic.

Ils 28 da matg ha la Tagesschau rapportà:

video
Il concept da protecziun a l'eroport da Turitg
Or da Tagesschau dals 28.05.2020.
laschar ir. Durada: 2 minutas 14 Secundas.

RTR novitads 18:00

Artitgels legids il pli savens