Tenor rapports da medias indigenas haja la societad aviatica dà suatientscha ad ina supplica da la regenza. Ins suppona che la Boeing 737 saja crudada giu glindesdi passà pervi da problems tecnics. Entant han ins chattà il vrac da la maschina sin il funs da la mar. Tenor indicaziuns da l'armada sa chatta el en ina profunditad da 32 meters, radund 15 km davent da la costa. Las black-boxes n'han ins anc betg chattà.
Indonesia examinescha las airlines bunmartgadas
La regenza ha annunzià ch'ella veglia examinar exact las directivas da segirtad da las airlines bunmartgadas. L'aviun crudà giu, ina Boeing 737 MAX 8, era en possess da la Lion Air, la pli gronda airline bunmartgada dal pajais. Lezza ha confermà che l'aviun crudà giu aveva gia in di avant la disgrazia problems cun l'indicaziun d'instruments en il cockpit. Tenor quai haja inditgà fauss la spertadad e l'autezza da sgol. La regenza ha er cumandà da controllar tut ils eroplans dal medem tip. L'eroplan disgrazià era in nov, en funcziun dapi l'avust.
RR novitads 09:00
