Siglir tar il cuntegn

Exteriur Renfatscha da crim da guerra a las truppas dal Sudan dal Sid

L'organisaziun per dretgs umans, Amnesty International, renfatscha a las truppas da la regenza tranter auter da mazzar umans a moda arbitrara e da rapinar e violar dunnas. Uffants e persunas veglias sajan vegnidas arsentads vivs en lur chasas.

Truppas dal president Salva Kiir sa mettan sin via en il cumbat.
Legenda: Truppas dal president Salva Kiir sa mettan sin via en il cumbat. Keystone

Per ses rapport sa basa l'organisaziun sin interrogaziuns ch'ella ha fatg quest onn en il nord dal pajais. Tenor Amnesty èn ils acts da sgarschur vegnids comess a moda sistematica da truppas dal president Salva Kiir e da las milissas alliadas. Ils culpants stoppian avant dretgira, pretenda l'organisaziun.

Gia dapi onns sa cumbattan en il Sudan dal Sid il president Kiir e ses rival Riek Machar ch'è er stà vicepresident sut Salva Kiir.Sut squitsch internaziunal eran els sa cunvegnids il 2015 sin in cuntract da pasch ed avevan instrada ina regenza da l'unitad naziunala. Curt suenter hai dentant gia puspè dà cumbats sanguinus. Tenor Amnesty International èn da quai da 2,3 milliuns persunas sin la fuigia.

RR novitads 06:00