Siglir tar il cuntegn

Exteriur Renfatschas da mulestas sexualas - schef da Fox News è sa retratg

Il schef da l’emettur american Fox News, Roger Ailes, è sa retratg da ses post. Quai pervi da renfatschas da mulestas sexualas, sco il concern 21st Century Fox ha communitgà.

L'anteriur schef da Fox News Roger Ailes en in studio da televisiun.
Legenda: Roger Ailes ha demissiunà sco schef da l'emettur Fox News. Keystone

Ina moderatura aveva renfatschà a l’um da 76 onns d’avair sabotà sia carriera, perquai ch’ella haja refusà sias tentativas d’avischinaziun. Pliras ulteriuras dunnas da l’emettur han fatg renfatschas sumegliantas. Roger Alies però refusescha tut questas renfatschas.

L’emettur Fox News vala sco vusch pussanta da las partidas da dretga en ils Stadis Unids. Il schef dal concern mamma 21st Century Fox, Rupert Murdoch, ha ditg ch'el vegnia a manar las fatschentas.

RR novitads 08:00