La cumissiun da l’Uniun europeica ha preschenta la proposta per ina lescha nova. Quella duai reglar co reparter 40’000 fugitivs entaifer dus onns ord l’Italia e la Grezia sin ils stadis da l’UE. La Germania duai prender si 8’763 u 22% dals fugitivs. Ins veglia intermediar dentant mo fugitivs che han ina buna schanza da survegnir asil di la cumissiun. Quai sajan oravant tut persunas da la Siria e l’Eritrea. Ils stadis da l’UE duain retschaiver 6’000 euros per persuna sco sustegn. Anc intschert è sch’ils stadis commembers acceptan la proposta.
RR novitads 18:00