Exteriur - Republicans americans pretendan in agir pli rigurus cunter SI
Suenter las attatgas a Paris han plirs republicans americans pretendì in agir pli sever cunter la gruppa da terror Stadi Islamic.
Uschia pretenda il candidat per il presidi american Jeb Bush per exempel in scumond da sursgular tschertas regiuns en la Siria.
Plinavant duain dapli schuldads americans vegnir integrads en il militar iracais e las truppas da la Peschmerga duain vegnir furmadas meglier, ha ditg l’anteriur guvernatur e frar dal president Geroge W. Bush.
Il milliardari Donald Trump a ditg che sch'el daventia president american ponderass el da serrar las moscheas en ses pajais per impedir ina radicalisaziun da muslims. La tematica pudess daventar ina da las dumondas decisivas en il cumbat electoral american l'onn che vegn.
