Il reschissur Milos Forman è vegnì enconuschent cun films sco «Einer flog übers Kuckucksnest», «Hair» ed «Amadeus». Forman era d’origin tschec.
El è naschì il 1932 en la Boemia centrala sco figl dad in magister. Cura ch’el era 8 onns èn ses geniturs vegnids arrestads da la Gestapo e mazzads en in champ da concentraziun.
Forman aveva gia sa fatg in num en Tschechoslovachia sco filmader experimental. En il decurs da la primavaira da Prag e l’invasiun Russa l’onn 1968 ès el emigrà en ils Stadis Unids.
Legenda:
Ina rolla dad Oscar per Jack Nicholson –
l'actur aveva survegnì l'Oscar per sia rolla principala en «Einer flog übers Kuckucksnest».
Keystone
Ses emprim grond success a Hollywood ha el gì il 1976 cun il psicodrama «Einer flog übers Kuckucksnest». Il film cun Jack Nicholson ha gudagnà tschintg Oscars.
RR novitads 10:00