Siglir tar il cuntegn

Header

cuntegn

Exteriur Restructuraziun en la Banca taliana Monte dei Paschi

La banca taliana en miseria Monte dei Paschi di Siena sa restructurescha - quai suenter ch’ella era vegnida salvada la stad.

Tar la banca Monte dei Paschi di Siena (MPS) duain vegnir stritgadas 2'600 plazzas e vegnir serradas radund 500 filialas vegnan serradas, communitgescha la banca sez. En pli duain vegnir vendids parts da la fatschenta. Uschia vul la banca nudar fin il 2019 in gudogn net da 1,1 milliardas euro.

Cun in plan da salvament aveva la Monte dei Paschi fatg la stad passada in grond pass or da la crisa. Il settember era vegnì midà schef ed in november duain ils acziunaris approvar in augment da chapital da fin 5 milliardas euros.

La banca è vegnida fundada l’onn 1472 e vala sco banca pli veglia dal mund. Ils onns passats aveva ella da cumbatter cun ina mantunada da credits marschs.

RR novitads 10:00

Artitgels legids il pli savens