En la citad da Reutlingen sper Stuttgart (D) ha in um da 21 onns mazzà ina dunna cun ina maheta. Ulteriuras duas persunas èn vegnidas blessadas tar l'attatga sin via libera en il center da la citad da Reutlingen.
Il delinquent è arrestà - Il privel saja dustà
L'um è entant vegnì arrestà. Ils motivs dal delict n'èn anc betg clers. I na dettia era nagins indizis per ulteriuras persunas intretschadas, pia per ulteriurs cumplizis. I na dettia nagin privel pli en la citad.
Tar il delinquent sa tracti tenor la polizia d'in requirent d'asil da la Siria da 21 onns, ch'era enconuschent a la polizia.
RR novitads 20:00