Siglir tar il cuntegn
Inhalt

Exteriur Rinfatschas da Erdogan a la Germania

Il president da la Tirchia, Recep Tayyip Erdogan, è il mument sin visita a Berlin. Danovamain ha el renfatschà a la Germania da na betg extrader persunas che vegnian tschertgadas en la Tirchia sco terrorists.

Il president tirc Erdogan vegn guidà dal president da la Germania Steinmeier.
Legenda: Il president tirc Erdogan vegn guidà dal president da la Germania Steinmeier. Keystone

Il president da la republica federala tudestga Frank-Walter Steinmeier aveva avant pretendì da la Tirchia ch’ella laschia liber schurnalists arrestads en Tirchia. Il venderdi saira han millis da demonstrants protestà cunter la visita uffiziala dad Erdogan a Berlin. La visita dal president tirc en Germania cuntinuescha uss a Cologna, nua ch’el vegn ad inaugurar ina moschea.

Demonstraziuns a Cologna

A Cologna fa la polizia quint cun 15’000 persunas che demonstreschan cunter e per il president tirc Recep Tayyip Erdogan. Erdogan participescha a Cologna a l’avertura dad ina moschea. Quai avant che sia visita uffiziala da 3 dis en Germania va a fin. Ina demonstraziun planisada dad adversaris dad Erdogan en il center da Cologna han las autoritads scumandà or da motivs da segirezza. Ed era ina manifestaziun da partisans dad Erdogan davant la moschea.

RR novitads 09:00