Siglir tar il cuntegn

Header

Foto da Fabrice Leggeri
Legenda: El sto far plaz: Il directur da Frontex, Fabrice Leggeri. Keystone
cuntegn

Rinfatschas da «pushbacks» Schef da Frontex sto chalar

Fabrice Leggeri sez ha offrì da sa retrair. Il franzos da 54 onns è surtut vegnì en la critica, perquai che la Frontex duai avair refusà illegalmain migrantas e migrants a la Mar Mediterrana. Questas rinfatschas fa surtut l'organisaziun Sea-Watch ed ha era accusà la Frontex tar il tribunal europeic.

La raschun che la Frontex sa separa uss da ses directur è che commember da cader duain avair zuppentà sapientivamain, che policists hajan transportà enavos fugitivs grecs sin la Mar Mediterrana. Talas refusaziuns numnadas «pushbacks» èn illegalas tenor las leschas internaziunalas.

Lungas inquisiziuns

Frontex è l’organisaziun che controllescha e segirescha ils cunfins e las costas da l’Uniun Europeica, quai en connex cun la cunvegna da Schengen. Gia l'onn 2019 ha l'Uniun Europeica annunzià in'inquisiziun cunter l'agentura, suenter ch'igl era vegnì enconuschent che polizists da cunfin avevan maltractà migrantas e migrants sin ils cunfins. Il december 2020 hai dà ina razzia en il biro da Fabrice Leggeri e sinaquai in rapport che n'è enfin uss dentant anc betg vegnì publitgà.

audio
Per tadlar curt e cumpact
aus RTR Audio vom 29.04.2022.
abspielen. Laufzeit 5 minutas 36 Sekunden.

RTR novitads 18:00

Artitgels legids il pli savens

Scrollar a sanestra Scrollar a dretga