Siglir tar il cuntegn

Exteriur Rintg cybercriminal internaziunal vegn a la glisch

Il minister da giustia american ha chattà in rintg cybercriminal: 36 commembers dals Stadis Unids e da 17 ulteriurs pajais èn vegnids accusads. La gruppa haja chaschunà donns da passa 530 milliuns dollars.

Cyber criminalitad.
Legenda: « La plattafurma era l'emprima adressa per la cybercriminalitad», uschia il ministeri da giustia. (maletg simbolic) Keystone

36 persunas dals Stadis Unids e 17 ulteriurs pajais vegnan accusadas dal minister da giustia american. Ils commembers dal rintg cybercriminal sajan tenor ils resultats da l'enquista stads spezialisads sin il commerzi da numers da cartas da credit, numers d'assicuranzas, pleds clav u infurmaziuns davart finanzas enguladas. Cun quests affars hajan els donnegià bancas, interpresas e privats, uschia il ministeri da giustia. Ils donns vegnan stimads a passa 530 milliuns dollars.

Las accusaziuns e las arrestaziuns, ch'han gì lieu cun ils ministeris da giustia dals pajais pertutgads, sajan las pli impurtantas en il sectur da la criminalitad da cyber.

RR novitads 10:00