Siglir tar il cuntegn

Exteriur Roger Torrent – nov parsura dal parlament catalan

Il parlament regiunal da la Catalugna ha elegì a Roger Torrent da la partida naziunalista da sanestra ERC sco nov president dal parlament.

Roger Torrent avant la bandiera da la Catalugna.
Legenda: Roger Torrent, il nov parsura dal parlament regiunal da la Catalugna. Keystone

En la Catalugna è il naziunalist da la sanestra, Roger Torrent vegnì elegì sco parsura dal nov parlament regiunal. L'um da 38 onns appartegn a la gruppa dals separatists. Torrent sto ussa prender decisiuns impurtantas. Oravant tut vai per la dumonda, schebain l'anteriur schef regiunal Carles Puigdemont po vegnir reelegì en absenza sco president regiunal.

Puigdemont anc adina a Brüssel

Puigdemont sa chatta anc adina a Brüssel per mitschar d'ina arrestaziun en Spagna. El aveva annunzià da declerar ses program da regenza la fin dal mais per conferenza da video u sa laschar substituir d'in represchentant. La regenza centrala a Madrid ch'ha mess la Catalugna sut administraziun giudiziala, vul ir cun il cas avant il pli aut tribunal. La regenza da Madrid vul exnum impedir, che Puigdemont vegnia danovamain en uffizi.

RR novitads 15:00