L'autur da bestsellers ed anteriur moderatur da radio e televisiun tudestg Roger Willemsen è mort en la vegliadetgna da 60 onns. Willemsen è stà in dals pli enconuschents intellectuals da la Germania. El è mort la dumengia en consequenza da cancer en sia chasa a Hamburg. Quai han confermà ses biro a Hamburg e sia chasa editura a Frankfurt.
L’avust da l’onn passà han ins constatà la malsogna da cancer tar Willemsen. Sin quai ha el lura detg gìu tut las occurrenzas publicas.
Willemsens Woche e Literaturclub
Enconuschent è el vegnì cun si'emissiun da discussiun Willemsens Woche. En la televisiun svizra ha el moderà il Literaturclub.
Ils 15 da matg 2005 ha Maria Cadruvi realisà ina Marella cun Roger Willemsen: «Ils suns e tuns dals pleds». Roger Willemsen - che na chapescha betg rumantsch - interpretescha singuls pleds rumantschs.
RR novitads 16:00