Siglir tar il cuntegn

Exteriur Rousseff è suspendida

La midada da pussanza en Brasilia è succedida: Il senat ha suspendì la presidenta Dilma Rousseff per 180 dis.

Dilma Rousseff
Legenda: Betg pli en uffizi - la presidenta da la Brasilia, Dilma Rousseff. Keystone

Il senat brasilian ha votà cun 55:22 vuschs per ina suspensiun intermediara da 180 dis. Durant quels duai vegnir examinà giuridicamain, sche Rousseff haja fatg ils sbagls che vegnan rinfatschà ad ella.

A la presidenta vegn rinfatschà d'avair surdà credits en atgna reschia e d'avair manipulà il preventiv per segirar sia reelecziun il 2014. Dilma Rousseff refusa tut las rinfatschas e discurra dad in putsch.

Suenter la votaziun vul il vicepresident Michel Temer surpigliar l'uffizi.

RR novitads 12:00