Il cuntegnair fauss da la banca haja contribuì a la crisa da finanzas. Concretamain haja la banca manà en errur clients e vendì vaglias toxicas, uschia argumentescha il ministeri da giustia american. Tenor indicaziuns dal ministeri american ha la banca refusà las reproschas e n'era betg concedì d’avair fatg sbagls. Il schef da la banca Ross McEwan ha declerà ch’in tal cumportament inacceptabel, sco il ministeri da giustia american decleria, na pudessi actualmain betg capitar tar sia banca.
Pli aut chasti insumma
Il pajament d'enclegientscha da bunamain tschintg milliardas dollars, è il pli aut chasti ch'ina banca ha pajà insacura pervi dals sbagls avant la crisa da finanzas. Dapi il 2008 ha la Royal Bank of Scotland per l’emprima giada concedi da vulair pajar ina dividenda.
RR novitads 06:00
