A Kigali, la chapitala da la Ruanda, vegn commemorà la dumengia dad oz il genocid d’avant 25 onns. Divers schefs da stadi e da regenza dad ulteriurs pajais africans èn da la partida, ma er il president da la cumissiun da l'UE, Jean-Claude Junker e per la Svizra Marina Carobbio, la presidenta dal Cussegl naziunal.
La Frantscha vegn represchentada dad in deputà dal parlament. A la Frantscha vegni adina puspè renfatschà d’avair giugà ina rolla tar la preparaziun e la realisaziun dal genocid. Il president franzos, Emanuel Macron, ha exprimì sia cumpassiun cun las unfrendas e lur confamigliars en ina communicaziun.
Tar il genocid d’avant 25 onns han represchentants da la maioritad dals Hutu mazzà commembers da la minoritad dals Tutsi. 800’000 persunas èn mortas.
RR novitads 15:00