Siglir tar il cuntegn

Header

cuntegn

Rumantschs en l'exteriur Nicole Bundi: schletta stagiun empè d’ina fitg buna a Mallorca

Las ensainas eran bunas, i vess tgunsch dà ina fitg buna stagiun da stad per l'hotel che Nicole Bundi maina ad Artà (Mallorca). Ma pervi da corona è tut vegnì auter. Uss datti schlettas cifras e lavur curta.

Il mars ha Nicole Bundi stuì serrar l'hotel pervi dal coronavirus. Enfin la fin da zercladur èn las portas stadas serradas.

Quai è stà cun paucs pleds: catastrofa.
Autur: Nicole Bundihoteliera

Il cumenzament da fanadur ha la hoteliera oriunda da Surrein en Surselva puspè pudì avrir l'hotel. L’emprim avevi anc paucas reservaziuns. Lura saja dentant vegnì meglier e meglier, els hajan survegnì bleras cudeschaziuns ed il fanadur saja finalmain stà in fitg bun mais. Mez avust hai lura cumenzà, che plirs pajais han mess las Balearas sin la glista da risico, e lura saja puspè ì aval cun las reservaziuns.

Pauc speranza per l’atun

Era per il settember datti mo singulas reservaziuns. Nicole Bundi quinta, ch’i na dettia betg in bun atun. Ella spera, da vegnir sur las rundas cun l'hotel enfin l’enviern, lura è quel adina serrà enfin la primavaira. La speranza è da pudair avrir l’hotel il mars u l’avrigl. Ma la malsegirtad è gronda.

Igl è fitg grev da planisar.
Autur: Nicole Bundi

La giuvna hoteliera è engaschada dals possessurs da l'hotel e di, ch’ella haja ina plazza segira. Ma sch’ils possessurs decidessan da serrar l'hotel, lura stuessi ella cumenzar da nov e tschertgar ina nova plazza. E vi da quai na veglia ella gnanc pensar.

Artà

Textbox aufklappenTextbox zuklappen

Artà è in vitg cun 6'500 abitants en il nord-ost da l’insla Mallorca, circa 60 kilometers davent da la chapitala Palma. La gronda part dals abitants èn indigens. Tipic per Artà èn las pitschnas giassas ed ils bajetgs vegls.

RTR actualitad 08:00

Artitgels legids il pli savens

Scrollar a sanestra Scrollar a dretga