Rumir suenter l'inundaziun

Suenter las malauras dumbra la Germania almain diesch morts. En plirs stadis federativs sfundran lieus en la lozza. Plinavant èn pliras persunas anc adina sparidas. Las lavurs da rumida han cumenzà. Ils meteorologs n'han anc betg annunzià ina fin d'alarm.

L’impurtant en furma concisa

  • Totalmain diesch morts suenter las malauras
  • Nagins fin d’alarm dals meteorologs
  • Regenza da Baviera empermetta agid immediat
  • Lavurs da rumida han cumenzà
  • Pertutgadas èn parts da Nordrhein-Westfalen, Baviera e Rheinland-Pfalz
La populaziun è cunfrontada cun grondas lavurs da rumida - qua in maletg da Simbach. Avrir maletg en lightbox.

Legenda da maletgs: La populaziun è cunfrontada cun grondas lavurs da rumida - qua in maletg da Simbach. Keystone

Suenter la seria da malauras en Germania datti nov unfrendas. En il vest ed il sid dal pajais hai plinavant dà numerusas inundaziuns.

Suenter quatter morts a Baden-Württemberg la dumengia èn mortas la mesemna e gievgia sis persunas en las auas grondas en la Baviera Bassa. En plirs stadis federativs èn ulteriuras persunas sparidas.

Dals meteorologs na datti nagina fin d’alarm: I saja da quintar cun uradis ed urizis fin l’emna proxima, ha ditg in meteorolog dal Servetsch d’aura tudestg DWD. Il potenzial da ferma plievgia restia vinavant fitg aut.

RR novitads 06:00