Siglir tar il cuntegn

Header

Alexej Nawalny.
Legenda: Ina dretgira a Moscau ha refusà il recurs da Nawalny ed uschia confermà la sentenzia da l'emprima instanza. Keystone
cuntegn

Russia: Confermà sentenzia Nawalny sto ir en champ da correcziun

Il criticher dal Cremlin Alexej Nawalny sto ir per passa trais onns en in champ da correcziun. Ina dretgira a Moscau ha refusà il recurs da Nawalny ed uschia confermà la sentenzia da l'emprima instanza l'entschatta dal mais. Ils derschaders avevan là renfatschà a Nawalny d'avair cuntrafatg a cundiziuns da probaziun d'in cas giuridic da pli baud. E quai duai el avair fatg durant ch'el era en Germania per sa revegnir d'ina attatga cun tissi da la gnerva Nowitschok.

Il process cunter Nawalny vegn crititgà internaziunalmain perquai ch'el saja motivà politicamain. Pir la mesemna passada ha il Tribunal europeic dals dretgs umans a Strasbourg pretendì da laschar liber Nawalny per immediat. Moscau ha dentant refusà questa critica. Quai saja ina intervenziun en fatgs da l'intern da la Russia.

Ord l'archiv da 10vor10:

video
Autoritads russas cunter aderents da Nawalny
Or da 10 vor 10 dals 02.02.2021.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga