Siglir tar il cuntegn
Inhalt

Exteriur Russia cun pli grond manever dapi temp sovietic

La Russia entschaiva il mardi cun ses pli grond manever dapi il temp da la Guerra fraida il 1981.

President russ.
Legenda: Wladimir Putin durant ina manevra il 2013. Keystone

Da l'exercizi «Wostock 2018» vul il ministeri da defensiun russ engaschar 300'000schuldads, 36'000 chars armads, passa 1000 aviuns, helicopters e dronas sco era 80 bastiments da la marina.

Il manever en la Sibiria ed en l'ost dal pajais na sa drizzia betg cunter in auter stadi, ha accentuà il schef dal stab general a Moscau.

Era part dal manever fa la China. Radund 3'000 schuldads chinais e 30 aviuns chinais exerciteschian ensemen cun ils Russ en l'ost dal Lai Baikal.

Er la NATO cun manever

L'exercizi dal 2017 en il vest da la Russia avevan la Pologna, l'Ucraina ed ils pajais baltics anc resentì sco smanatscha. Er la NATO aveva crititgà lez manever. L'Organisaziun dal pact da l'Atlantic dal Nord planisescha quest atun probabel sez da far ses pli grond manever dapi la Guerra fraida. Dals 25 d'october fin ils 7 da november duajan passa 40'000 schuldads da radund 30 stadis commembers exercitar ensemen en la Norvegia.

RR novitads 06:00