La citad siriana Raqqa vala inuffizialmain sco chapitala da la milissa terroristica Stadi islamic. La Russia ed ils Stadis Unids sgolan gia daditg attatgas cunter l'SI. Quai succeda dentant independent in da l'auter. Latiers sustegnan els differentas partidas en il conflict da la Siria. La Russia cumbatta da la vart da las truppas da la regenza, entant ch'ils Stadis Unids rinforzan l'opposiziun.
Avant paucs dis aveva la Russia sustegnì las truppas da la regenza siriana per reconquistar la citad antica Palmyra.
RR novitads 18:00