Russia fa part a discurs da pasch a Genevra

Als discurs da pasch per la Siria a Genevra sa participescha per l'emprima giada era la regenza russa. Il viceminister da l'exteriur da la Russia, Gennadi Gatilow, s'inscuntra glindesdi cun l'intermediatur da l'ONU

Gennadi Gatilov, il viceminister da l'exteriur da la Russia. Bild in Lightbox öffnen.

Legenda da maletgs: Gennadi Gatilov, il viceminister da l'exteriur da la Russia. Keystone (Archiv)

Gennadi Gatilow, il viceminister da l'exteriur russ, vegnia glindesdi a sa scuntrar cun l'intermediatur da l'ONU Staffan de Mistura. Er discurs cun la delegaziun dals Stadis Unids sajan sin il plan da Gatilow, annunzia l'agentura da novitads russa «Ria Novosti».

L'intermediatur da l'ONU De Mistura maina dapi il venderdi passà discurs separats cun ils represchentants dal reschim sirian sco era cun represchentants da l’opposiziun.

A chaschun d’in emprim inscunter cun De Mistura la dumengia passada aveva l’opposiziun pretendì ina meglieraziun da la situaziun umanitara en la Siria; quai avant il cumenzament da contractivas politicas.

RR novitads 11:00