Russia furnescha puspè armas a l'Iran
- Glindesdi, 13.4.2015, 16:51
Il president russ Wladimir Putin ha abolì il scumond da furnir armas da defensiun cunter aviuns en l’Iran. Putin haja suttascrit ina cunvegna correspundenta che valia davent d’immediat, quai ha communitgà il Kreml a Moscau.
Bild in Lightbox öffnen.
Legenda da maletgs: Il president russ ha abolì il scumond da furniziun. Keystone
La Russia aveva scumandà da furnir las armas en il rom da las sancziuns da l'ONU cunter l’Iran. Ils ultims dis ha la Russia adina puspè pretendì da schliar las sancziuns cunter l’Iran. Sco motiv numna la Russia il progress tar las contractivas d’atom.
RR novitads 17:00