Il concern ucranais Naftogaz haja survegnì tut il gas che saja pajà, uschia communitgescha Gazprom.
Pir l'october è ida a fin la dispita da gas tranter la Russia e l'Ucraina. La cunvegna prevesa ch'il gas vegn pajà ordavant. Ils 12 d'october ha Gazprom puspè furnì gas. Ils ultims dis èn las tensiuns tranter Kiew e Moscau dentant creschidas, en spezial pervi da l'insla conquistada Krim.
La regenza da l'Ucraina ha bloccà il glindesdi las furniziuns da rauba sin la mes'insla Krim.
RR novitads 11:00