Siglir tar il cuntegn

Header

cuntegn

Exteriur Russia na respunda betg cun bandegiar diplomats americans

Sin l’annunzia dal president american Barack Obama, da vulair bandegiar 35 diplomats russ dals Stadis Unids, na reagescha il president russ Wladimir Putin betg da medema maniera: La Russia na chatscha actualmain nagins diplomats americans or dal pajais.

Suenter l’expulsiun da 35 diplomads russ tras la regenza americana na prenda la Russia per il mument naginas cuntra-mesiras. Nus na chatschain nagin or dal pajais, ha ditg il president russ Wladimir Putin.

Avant aveva il minister da l’exteriur russ Sergej Lawrow ditg ch’el proponia a Putin dad exiliar 35 diplomats americans. La Russia vul dar petta pajada als Stadis Unids da l'America.

purtret da Barack Obama
Legenda: Ina da las ultimas decisiuns dal president partent Barack Obama: sancziuns cunter la Russia. Keystone

Quai suenter ch'il president american Barack Obama ha decis sancziuns en connex cun attatgas da hackers durant il cumbat electoral per il presidi. Obama aveva tranter auter decis la gievgia, che 35 diplomats russ stoppian bandunar ils Stadis Unids. Els sajan en vardad spiuns.

Autras mesiras sajan er previdas a temp inditgà, ha ditg Obama. Quai na vegnia però betg publitgà. Cunquai ch'i sa tracta sulettamain dad in'ordinaziun pudess il nov president Donald Trump revocar las sancziuns.

RR novitads 21:00+

Artitgels legids il pli savens