Siglir tar il cuntegn

Header

cuntegn

Exteriur Russia serra gruppa che surveglia elecziuns

Bun dus mais avant las elecziuns dal parlament ha ina dretgira a Moscau ordinà da serrar la gruppa Golos. Quai annunzia l'agentura da novitads Interfax.

Fatg la dumonda per questa mesira aveva il ministeri da giustia.

La sentenzia sa basa sin ina lescha che declera organisaziuns nun-guvernamentalas che survegnan daners da l'exteriur sco «agents da l'exteriur».

L'avrigl aveva la gruppa gia stuì pajar in chasti pervi d'avair violà la lescha. L'advocat da la gruppa ha annunzià da far recurs.

La gruppa Golos era vegnida fundada l'onn 2000 per pussibilitar a la populaziun russa - tenor atgnas indicaziuns - il dretg da votar ed ina societad libra. Enfin il 2013 ha quest'organisaziun nun-guvernamentala agì en quest senn, suenter è ella vegnida fundada da nov sco moviment russ per dretgs da votar. L'activitad principala è da observar elecziuns e votaziuns sin tut ils nivels politics.

RR novitads 11:00

Artitgels legids il pli savens