L’Ucraina tschertga uss ina soluziun per retrair gas ord la Slovachia. Per l’Uniun europeica para la dispita da gas da betg aviar consequenzas, il furnitur da gas ha gia annunzia da transferir vinavant gas russ tras l’Ucraina.
Indizis malsegirs
Las novas tractativas da gas tranter la Russia e l'Ucraina avevan fatg naufragi. Ils dus pajais n'eran betg vegnids da sa cunvegnir ad in pretsch per las furniziuns da la Russia. Quai aveva fatg a savair l'intermediatur da l'UE.
Il rabat proponì da la Russia aveva l’Ucraina refusà perquai ch’el saja stà memia bass. Il provedider d’energia ucranais Naftogaz percunter aveva communitgà ch’el na vegnia betg pli a cumprar gas russ enfin ch’ins sa cunvegnia ad in pretsch.
RR novitads 08:00 / 14:00