Siglir tar il cuntegn

Header

cuntegn

Exteriur Russia, Tirchia ed Iran vulan terminar ils cumbats en la Siria

La Russia, la Tirchia e l’Iran vulan la fin dals cumbats en Siria. Quai han ils pajais ditg suenter lur inscunter.

Recep Tayyip Erdogan, Wladimir Putin e Hassan Rohani èn s'inscuntrads tar discurs davart la Siria. La finamira saja «ruaus sin il territori», han els scrit en ina decleraziun communabla. I na dettia nagina schliaziun militara per la Siria, ha Ruhani accentuà.

Tuttina intginas differenzas

Ils trais presidents han empruvà da mussar unitad tar la conferenza da medias suenter l'inscunter. Tuttina èn er las differenzas vegnidas a la glisch. Uschia ha Erdogan accentuà ch'ins possia mo cuntanscher la pasch en la Siria, sch'ins na cumbatta betg mo cunter il Stadi islamic, mabain er cunter las milissas curdas. Ruhani è dentant vegnì cità en la televisiun iranaisa d'avair ditg ch'ins stoppia deliberar la regiun Afrin, che vegn occupada da la Tirchia.

El aveva gia avant l'inscunter ditg, che tut las truppas da pajais esters che na sajan betg giavischidas en a Siria, duain bandunar il pajais. Quai pertutga schebain la Tirchia, sco er ils Stadis Unids.

USA resta tuttina

Ils stadis unids vulan tuttina betg terminar lur engaschi militar en la Siria. La finamira saja anc adina da destruir la milissa da terror Stadi islamic, ha la chasa alva a Washington communitgà.

Avant curt aveva il president american Donald Trump sveglià speculaziuns che las truppas americanas pudessan sa retrair da la Siria.

RR novitads 18:00

Artitgels legids il pli savens