La Russia vul investir circa 4,7 milliardas francs en l’infrastructura da la peninsla Crim. Quai ha Dimitri Medwedew, il primminister da la Russia annunzià il glindesdi en la chapitala Moscau.
Cun ils daners duain vegnir construidas autostradas sco er lingias d'electricitad e dad aua. La mesadad dals daners duain vegnir investids quest onn. Bun 5 onns suenter che la Russia ha annectà la Crim vul la Russia cun quai consolidar ses dretg sin la peninsla en la mar naira.
Il favrer dal 2014 avevan truppas da la Russia occupà la Crim. La Svizra ed auters pajais dal vest vesan en quest pass ina violaziun dal dretg internaziunal. Per la Svizra fa la Crim anc adina part da l'Ucraina.
RR novitads 17:00