En ils Stadis Unids baratta il president in ulteriur minister. Sin la fin da l'onn sa retira il minister da l'intern Ryan Zinke, quai ha Donald Trump communitgà via twitter.
Ryan Zinke è vegnì en las lingias grassas pervi da ses chars viadis. La giustia americana examinescha in pussaivel abus d'uffizi da Zinke, e quai en radund 15 differents cas. Trump ha annunzià da vulair nominar l'emna proxima in successur.
Zinke è stà minister da l'intern dapi l'entschatta dal temp d'uffizi da Trump.
