Siglir tar il cuntegn
Inhalt

Exteriur Ryanair po augmentar il gudogn marcantamain

La societad aviatica bunmartgada Ryanair ha l'onn passà pudì emplenir meglier ses aviuns il 2017 che tut las autras societads.

dus aviuns da la Ryanair.
Legenda: 10% dapli gudogn per la societad aviatica Ryanair. Keystone

La societad aviatica bunmartgada «Ryanair» ha augmentà il gudogn l’onn passà per 10% sin 1,45 milliardas euros. Quai malgrà ch’ils pretschs da bigliets sajan sa reducids e che la societad haja stuì stritgar millis da sgols durant l'atun. Tenor «Ryanair» sajan 95% dals sgols stads emplenids. Quai è ina meglra quota che mintg’autra societad ha pudì realisar.

Las prognosas da l’onn current èn tenor il schef Michael O’Leary medemamain positivas. El quinta cun dapli passagiers. Pervi dals pli auts pretschs per ieli mineral, quintà la societad irlandaisa però cun ina reducziun dal gudogn sin 1,25 fin 1,35 milliardas euros.

RR novitads 12:00