Exteriur - Sagrada Familia duai esser a fin il 2026
La construcziun da la Basilika Sagrada Familia a Barcelona, l'ovra da vita da l'architect Antoni Gaudí, duai esser a fin il 2026, suenter 144 onns. Quai ha ditg il maina-project tar ina bilantscha intermediara da las lavurs da construcziun.
Per onn investeschian ins radund 25 milliuns euros en las lavurs, uschia il maina-project. Ils daners derivian da donaziuns ed entradas. L'edifizi sacral unescha ils stils da la neogotica e la moderna. Dapi il 2005 stat la baselgia sin la glista dal patrimoni mundial da l'UNESCO.
