Siglir tar il cuntegn
Inhalt

Exteriur Sajets durant debatta davart libertad d'opiniun

A Kopenhagen ha ì dà ina attatga sin ina conferenza publica davart libertad d'opiniun e blasfemia. Almain ina persuna è morta, quai tenor l'agentura da novitads DPA. Medias danaisas rapportan ch’i saja vegnì sajettà durant ina conferenza publica davart libertad d'opiniun e blasfemia.

Il lieu da las sajettadas a Kopenhagen
Legenda: Attentat a Kopenhagen Igl è vegnì sajettà durant ina conferenza publica davart libertad d'opiniun e blasfemia reuters

In caricaturist era in dals pledaders

Lars Vilks è sut protecziun da la polizia en il Danemarc.
Legenda: Lars Vilkes in famus caricaturist svedais Lars Vilks è sut protecziun da la polizia en il Danemarc. El è in famus caricaturist e conuschent per las caricaturas da Mohammed. keystone

La polizia saja en tschertga da 2 delinquents. Els hajan para sajettà da l'ordaifer sin l'edifizi da la conferenza. In dals pledaders a la conferenza era il caricaturist svedais, Lars Vilks famus per sias caricaturas dal profet Mohammed. Plinavant saja l'ambassadur franzos stà preschent. Els na sajan betg vegnids blessads.

Premia da 150’000 dollars

Sin il caricaturist Vilks eri vegnì mess ina premia da 150’000 dollars per sia arrestaziun. Ina gruppa d’Al-Kaida da l’Irac aveva annunzià quella l’onn 2007 en l’internet. L’artist aveva exponì in dissegn dal profet Mohamed sco chaun ed era gia pliras giadas vegnì attatgà perquai.

RR novitads 18:00