Sin l’areal dal Capitol a Washington ha la polizia surventschì in um armà ed alura arrestà el. Tenor il schef da polizia dal Capitol era l’um armà ed ha alura prendì en mira in policist. Tenor las agenturas da novitads ha la polizia alura sajettà, l’attatgader ed ina dunna èn vegnids blessads.
L’emettur da televisiun CNN ha pretendì ch’ina autra persuna haja empruvà d’entrar sin l’areal da la Chas’alva a Washington radund trais kilometers dal bajetg dal parlament.
Sco quai che la polizia ha declerà via Twitter sa tractia be dad in cas unic. Per la populaziun n'existia nagin privel. Als schurnalists en la Chas'Alva èsi l'emprim vegnì ordinà da betg bandunar il bajetg, rapporta l'agentura da novitads tudestga DPA. Curt suenter è il bajetg però puspè vegnì avert.
Indicaziuns detagliadas na datti betg.
RR novitads 22:00 / 06:00