Las rachetas sajan sguladas var 250 km e lura crudadas en la mar da l’ost. Quai ha ditg in represchentant dal stab general sidcorean. Pir avant intgins dis aveva il militar nordcorean testà duas rachetas a curta distanza.
Pjönjang ha ditg ch’il test saja stà la reacziun sin exercizis militars da la Corea dal Sid. Il dictatur Kim Jong Un haja surveglià persunalmain il start da las rachetas, rapportan medias statalas.
L’armada sidcoreana e americana vulan far exercizis cuminaivels l’avust. Il manever militar ch’ils dus alliads fan mintg’onn procura adina puspè per reacziuns da ravgia en la Corea dal Nord.
Il Stadis Unids han staziunà var 30’000 schuldads en la Corea dal Sid.
Ord l'archiv:
video
USA vs. Corea dal Nord - inimis eterns?
Or da Nouvo RTR dals 16.08.2017.
laschar ir. Durada: 1 minuta 40 Secundas.
RR novitads 06:00
