Siglir tar il cuntegn

Exteriur Sajettims a Marseille senza unfrendas

A Marseille hai dà in sajettim en ina part da la citad ch'è pertutgada da conflicts da banda. Tenor la polizia na saja nagin sa blessà.

L'unitad da polizia d'elita DIPN è en acziun en il quatier Castellane en il nord da Marseille.
Legenda: L'unitad da polizia d'elita DIPN è en acziun en il quatier Castellane en il nord da Marseille. Reuters

I saja vegnì sajettà en l'aria cura che 3 autos da polizia sajan arrivads avant in bajetg. Unitads d'elita da la polizia franzosa han sinaquai bloccà il territori enturn il quatier Castellane.
Per il suentermezdi era planisada ina visita dal schef da regenza Manuel Valls. Il mument dal sajettim n'era el anc betg a Marseille. Il tema dals discurs è la segirtad a Marseille, che patescha dapi onns da cumbats da bandas ed assassinats en lieus publics.

(RR novitads 14:00)