Il producent american d'egliers «Salt Optics» ha inoltrà il december in plant encunter l'interpresa svizra da telecommunicaziun «Salt.». Il logo da la firma svizra sumeglia memia fitg a l'agen, uschia la firma americana ch'è tenor la «Sonntagszeitung» era preschent sin il martgà svizzer.
L'interpresa svizra "Salt.", l'anteriura "Orange", aveva midà num e logo l'onn passà. En in'emprima reacziun sa mussa "Salt." optimistica da gudagnar la dispita e pudair salvar num e logo. Quai tenor l'agentura da novitads sda.
RR novitads 16:00