Siglir tar il cuntegn

Exteriur Salvà 4’500 en in di

La guarda da costa taliana ha salvà en in di 4'500 fugitivs or da la Mar Mediterrana. Sustegn ha ella survegnì d'organisaziun d'agid e da bastiments da l'Uniun Europeica.

Ina dunna cun ses uffants a bord dad in bastiment, la notg.
Legenda: Millis da persunas vegnan salvadas di per di or da la mar Mediterrana. Keystone

En la mar tranter l’Italia e l’Africa dal Nord haja quai dà in mardi 30 acziuns da salvament. Quai rapporta la guarda da costa taliana. Il salvament fa ella ensemen cun organisaziuns d’agid e bastiments militars da pajais che fan part a l’Uniun europeica.

Tar l’acziun la pli gronda dal mardi èn vegnidas salvadas 435 persunas – tranter dad ellas 124 dunnas e 18 uffants – dad in bastiment strusch capabel da viagiar sn il mar.

En tut èn quest onn gia radund 70 milli fugitivs arrivads sur la mar en l'Italia. Quai saja circa tuttina blers sco il medem temp l'onn passà - uschia las autoritads talianas.

RR novitads 06:00