Ina bartga cun blers fugitivs a bord ha fatg naufragi davant la costa da la Libia. La bartga saja cupitgada radund 15 miglias davant la costa, cura che las forzas da salvament sajan s'avischinadas. Tenor indicaziuns da la guardia da costa taliana han ins pudì salvar fin uss radund 100 persunas.
Quantas persunas èn stadas abord n'è il mument anc betg cler. La tschertga suenter ulteriurs fugitivs dura anc. Il mardi ha l'organisaziun internaziunala da migraziun communitgà che gia 2'000 persunas han pers quest onn la vita cun fugir
sur la Mar Mediterrana.
RR novitads 17:00
sda/hs