Siglir tar il cuntegn

Header

cuntegn

Exteriur Salvà radund 6'500 fugitivs ord privel da mar

La guardia costala taliana ha il glindesdi salvà radund 6'500 fugitivs sin la Mar Mediterrana. Sco l’autoritad communitgescha sajan quai uschè blers sco darar durant in sulet di.

Il center da commando da la guardia costala haja coordinà 40 acziuns da salvament ed uschia purschì agid a millis umans en tschertga da segirezza davant la Libia. Quai saja in dals auts dumbers da salvads durant in sulet di.

Tenor il tweet èn bastiments da la guardia costala sco er da la marina taliana stads en acziun. Er la missiun da marina da l’UE «Sophia» en cumbat cunter cuntrabandists, l’agentura per la protecziun dals cunfins da l’UE Frontex ed organisaziuns umanitaras han gidà da salvar ils fugitivs.

Ils ultims quatter dis sajan vegnids salvads circa 10’000 umans tranter la costa da la Libia e l’Italia. Pervi da l’aura da stad vegnan actualmain dapli persunas da l’Africa vers l’Europa sur la Mar Mediterrana.

RR novitads 06:00

Artitgels legids il pli savens