Avant duas emnas aveva Samsung sez clamà enavos il Galaxy Note 7. Quai perquai che plirs clients avevan mess en l'internet fotografias dal telefonin ars. Ils possessurs da quest telefonin possian midar ora el cunter in auter model.
Update per la batteria
Samsung ha supplitgà da betg pli duvrar il Samsung Galaxy Note 7 e da turnar el immediat per remplazzar el cun in auter model. Damai ch'il proceder da reclom n'è betg ì enavant uschè spert sco quintà ha Samsung annunzià in update automatic per l'emna proxima. Las battarias duain cun quest update sa chargiar mo pli per 60 pertschient.